Van die kreeg 'k ut te kwoad
Het moakte mie roazend, het moakte mie gek
dien zwiegen spijde mie liek in de bek
Aan laandskane heb 'k de duvel uut die joagt
kon mie nait meer bedwingen
kriegst d'ur van as't mien haart aal ploagst
Ik heb dikke stainen om dien pokkel doan
en bie Knoal zag 'k die't woater in goan
Van dei tied of aan loat ik elk in ain woan
wat recht was proat ik krom
mot die missen
ik zai die noeit weer om
Kon 't mie aal mor niks verschelen
zo ain as doe was d'ur gainain
tot 'k uut de tied bin za' k die noeit meer zain
Wös nait da'k nait leven kon zunder die
wat ik heb doan sniedt in mie
doe wast mien laiverd
mien schraiverd, mien suker in de thee
en noeit krieg ik nog antwoord
wel had dei smokt toun ik dat nait dee